«Ռեալը» սեփական հարկի տակ առավելության հասավ «Կադիսի» նկատմամբ Իսպանիայի առաջնության 34-րդ տուրի խաղում։ Մադրիդյան թիմը հաղթեց 3։0 հաշվով։
Տանտերերից աչքի ընկան Բրահիմ Դիասը (51-րդ րոպե) և Ջուդ Բելինգհեմը (68-րդ րոպե): Ավելացված ժամանակում գոլի հեղինակ դարձավ Խոսելուն։
Մադրիդի «Ռեալը» 87 միավորով գլխավորում է Լա Լիգան։ Եթե «Բարսելոնան», որն այժմ մրցաշարային աղյուսակում երկրորդն է, միավորներ կորցնի «Ժիրոնայի» հետ խաղում, ապա Կառլո Անչելոտիի թիմը կդառնա չեմպիոն։
Կադիսը 34 խաղում վաստակել է 26 միավոր և Իսպանիայի առաջնությունում զբաղեցնում է 18-րդ հորիզոնականը։
