Չեխիայի կառավարությունը պաշտոնապես հետ է կանչել Ռուսաստանի Դաշնությունում հանրապետության դեսպան Վիտեսլավ Պիվոնկային հայրենիք, որը Պրահա էր վերադարձել դեռ 2022 թվականի վերջին։
Այս մասին հայտնում է ČTK լրատվական գործակալությունը՝ հղում անելով Չեխիայի արտաքին գործերի նախարարությանը։
Չեխիայի ԱԳՆ-ն, պատասխանելով գործակալության համապատասխան հարցին, տեղեկացրել է, որ Պիվոնկան մայիսի վերջին կլքի դեսպանի պաշտոնը։ Հանրապետության արտաքին գործերի նախարար Յան Լիպավսկին ավելի վաղ շնորհակալություն էր հայտնել նրան Մոսկվայում կատարած աշխատանքի համար։
Պիվոնկայի Պրահա մեկնելուց հետո Ռուսաստանի Դաշնությունում Չեխիայի դեսպանատունը փաստացի գլխավորում է գործերի ժամանակավոր հավատարմատար Յան Օնդրեյկան։ Չեխիայի իշխանությունները ծրագրում են նոր դեսպան ուղարկել Մոսկվա, որի և Պրահայի հարաբերությունները վերջին տարիներին զգալիորեն վատթարացել են։ Չեխական լրատվամիջոցներն ավելի վաղ հայտնել էին, որ այդ պաշտոնը կարող է զբաղեցնել հանրապետության պաշտպանության նախկին փոխնախարար Դանիել Կոստովալը։
Լիպավսկին դժվարացել է կանխատեսել, թե երբ է Չեխիայի դեսպանը ժամանելու Մոսկվա։
Արտգործնախարարը նաև տեղեկացրել է, որ Չեխիայի ներկայացուցիչը չի մասնակցի մայիսի 7-ին կայանալիք ՌԴ նախագահ Վլադիմիր Պուտինի երդմնակալությանը։
