Բաժանորդագրվեք Zarkerak.am-ի տելեգրամ ալիքին։
ԱՄՆ փոխնախագահ Ջեյ Դի Վենսը հայտարարել է, որ հնդկա-պակիստանյան հակամարտությունը ուղղակիորեն չի վերաբերում Միացյալ Նահանգներին, հետևաբար իրենք չեն միջամտի, բայց խաղաղության վերականգնման հույս ունեն։
Fox News-ին տված հարցազրույցում նա ասել է, որ «Ամերիկան չի կարող հնդիկներին ու պակիստանցիներին համոզել զենքը վայր դնել, այդ պատճառով շարունակելու ենք հետամուտ լինել այդ հարցի լուծմանը դիվանագիտական ուղիներով»:
ԱՄՆ պետքարտուղար Մարկո Ռուբիոն էլ Հնդկաստանի և Պակիստանի արտգործնախարարների հետ հեռախոսազրույցների ժամանակ կողմերին կոչ է արել լիցքաթափել լարվածությունը, նաև հայտնել է Վաշինգտոնի պատրաստակամությունը աջակցելու Հնդկաստանի և Պակիստանի միջև ուղիղ երկխոսությանը:
Միաժամանակ ԱՄՆ պետքարտուղարն ընդգծել է Վաշինգտոնի դիրքորոշումը, որ Պակիստանը պետք է «կոնկրետ քայլեր ձեռնարկի՝ դադարեցնելու ցանկացած աջակցություն ահաբեկչական խմբավորումներին»։
