Բաժանորդագրվեք Zarkerak.am-ի տելեգրամ ալիքին։
Անկախ պետությունների համագործակցության մասնակից պետությունների քրեակատարողական ծառայությունների համար կադրերի պատրաստման մասին համաձայնագիրն այսօր հավանության արժանացավ ՀՀ կառավարության նիստի ժամանակ։
Համաձայնագիրը ստորագրվել է 2024 թ. դեկտեմբերի 12–ին Մոսկվայում։ Դրա կարգավորման առարկան հանդիսանում է տվյալ բնագավառում համապատասխան կադրերի պատրաստման կազմակերպման կարգը:
«Համաձայնագրի հաստատումը նպատակ է հետապնդում ժամանակակից աշխարհի մարտահրավերներին համապատասխանող՝ կողմերի պետությունների քրեակատարողական ծառայությունների համար բարձր մակարդակի կադրերի պատրաստում, ինչպես նաև տվյալ բնագավառում կողմերի միջև փոխգործակցության արդյունավետ մեխանիզմների ստեղծում»,– ասված է որոշման հիմնավորման մեջ:
Համաձայնագրով նախատեսվում է, որ տվյալ բնագավառում ԱՊՀ անդամ պետությունների միջև համագործակցությունը կիրականացվի իրավասու մարմինների միջոցով՝ պետությունների ներպետական օրենսդրության և միջազգային պարտավորությունների համաձայն:
Այս պահի դրությամբ ներպետական ընթացակարգեր են իրականացվում Ռուսաստանի Դաշնությունում և Ղրղզստանի Հանրապետությունում:
