Բաժանորդագրվեք Zarkerak.am-ի տելեգրամ ալիքին։
Zarkerak.am-ն առանձնացրել է անցնող 7 օրերի 7 կարևոր իրադարձությունները:
1. Վարչապետ Նիկոլ Փաշինյանը աշխատանքային այցով կմեկնի չինաստան՝ մասնակցելու ՇՀԿ գագաթնաժողովին, այնուհետև կմեկնի Ճապոնիա:
2. Արսեն Թորոսյանը նշանակվել է Աշխատանքի և սոցիալական հարցերի նախարար, Նարեկ Մկրտչյանը՝ ԱՄՆ-ում ՀՀ դեսպան, Լիլիթ Մակունցը՝ վարչապետի գլխավոր խորհրդական:
3. Խաղաղությունն այլևս անշրջելի է: Մեր նավը հասցնելու ենք խաղաղ հանգրվանի, օգոստոսի 13-ից սկսվել է լայնածավալ հարձակումը խաղաղության դեմ: Դժբախտ է մեր ընդդիմությունը, որովհետև սահմանին զինվոր չի զոհվում: Ասել է Նիկոլ Փաշինյանը
4. Իսրայելի վարչապետ Նեթանյահուն առաջին անգամ հրապարակավ ճանաչել է Հայոց ցեղասպանության փաստը: ՀՀ վարչապետն էլ արձագանքել՝ նրա ասածը կապ չունի ո՛չ Հայաստանի, ո՛չ հայ ժողովրդի շահերի հետ:
5. Ես ՀՀ ժողովրդի առաջ պիտի արդարանամ, որ Սերժ Սարգսյանի, Ռոբերտ Քոչարյանի լեզուն դեռ պտտվում է, կարծում եմ՝ առաջիկա ընտրություններում ժողովուրդը հնարավորություն կունենա նրանց քաղաքական լեզուները կտրել. Ասել է Նիկոլ Փաշինյանը:
6. Կուսակրոնության ուխտը խախտած հոգևորականները պետք է հեռանան՝ առանց բացառության: Փաշինյանը հորդորել է Գարեգին Բ-ն հեռանալ Վեհարանից, այլապես ինքը հեռացնելու պլաններ ունի:
7. Ռուս-ուկրաինական պատերազմը վերածվել է անձնային հակամարտության և շատ բարդ է կարգավորել: Տեսնենք՝ ինչ կլինի առաջիկա 2 շաբաթում, բայց եթե Պուտինն ու Զելենսկին չհանդիպեն, հետևանքներ կլինեն, զգուշացրել է Թրամփը:
