Բաժանորդագրվեք Zarkerak.am-ի տելեգրամ ալիքին։
Ֆրանսիայի նախագահ Էմանուել Մակրոնը առաջիկա օրերին կքննարկի նոր վարչապետ նշանակելու հարցը, այն բանից հետո, երբ խորհրդարանը անվստահություն հայտնեց գործող կառավարությանը։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին ասվում է Ելիսեյան պալատի հայտարարության մեջ:
«Հանրապետության նախագահը հաշվի է առնում պատգամավորների քվեարկության արդյունքները։ Վաղը նա կընդունի վարչապետ Ֆրանսուա Բայրուին՝ նրա կառավարության հրաժարականը ընդունելու համար: Հանրապետության նախագահը առաջիկա օրերին կնշանակի նոր վարչապետ», - ասվում է հայտարարության մեջ:
