Բաժանորդագրվեք Zarkerak.am-ի տելեգրամ ալիքին։
«Հոգևորականներն այդ թվում ՀՀ քաղաքացիներ են, ՀՀ-ն էլ ժողովրդավարական երկիր է և մարդիկ ունեն խոսքի ազատության իրավունք: Տեր Արամը հրապարակային խոսել է եկեղեցում առկա խնդիրների մասին , կարծում եմ ինչպես մնացած դեպքերում, եթե ձեր ասած պրոցեսը տեղի է ունենալու, եկեղեցին պետք է հրապարակայնորեն քննի այդ հարցը և հանրության աչքի առաջ պարզաբանի, թե Տեր Արամը ինչ կանոն է խախտել»,- ԱԺ -կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը ի պատասխան հարցին, թե ինչ մեկնաբանություն ունի Հովհանավանքի հոգևոր առաջնորդ Տեր Արամի՝ Մայր Աթոռում տիրող իրավիճակի վերաբերյալ բարձրաձայնելու և Մայր Աթոռին՝ վերջինիս կարգալույծ անելու հնարավոր մտադրության մասին:
«Եկեղեցին առաջին հերթին եկեղեցու հետևորդներ են, մեզ թվում է, թե եկեղեցին միայն հգոևորականներ են: Կարծում եմ այդ թվում Տեր Արամի արձանագրումները պարտադիր են դարձնում, որ հենց նրա հրապարակումներում առկա հարցերի վերաբերյալ Մայր Աթոռը հանդես գա հրապարակային պարզաբանմամբ և եթե քննություն է տեղի ունենալու, լինի հրապարակային, որպեսզի եկեղեցու հետևորդները թափացիկ ձևով իմանան՝ ինչ է կատարվում, ով է ճիշտ, ով է սուտ ասում»,- ասաց վարչապետը:
«Կարող եմ ասել՝ միանշանակ և աներկբա իմ աջակցությունն եմ հայտնում առաջին հերթին որպես Առաքելական Սուրբ եկեղեցու հետևորդ Տեր Արամին և այն հոգևորականներին, ովքեր աջակցում են Առաքելական եկեղեցու խնդիրների հասցեագրման օրակարգին և որևէ կասկած չկա, որ ես իմ ուժերով ներածին չափով կկանգնեմ, բոլոր նման հոգևորականների կողքին և բոլոր հասու միջոցներով կաջակցեմ նրանց և թիկունք կկանգնեմ նրանց: Եթե ուզում ենք լինենք արժեքահենք, նախ հոգևոր կենտրոնի արժեքները պիտի ազատագրենք պղծությունից և այս ճանապարհին ես առաջնորդությունը ստանձնում եմ, ուրիշ ճանապարհ չկա, այդ հարցը պետք է լուծվի»,- ընդգծեց Փաշինյանը:
