Բաժանորդագրվեք Zarkerak.am-ի տելեգրամ ալիքին։
«Հայաստանում մարդիկ ծանուցումները՝ էլեկտրոնային, թե թղթային միշտ ընկալում են որպես նեգատիվ ինֆորմացիա, դա մեծ պրոբլեմ է»,- Կառավարության նիստում ասաց փոխվարչապետ Մհեր Գրիգորյանը:
Անդրադառնալով այլ երկրների օրինակին՝ Գրիգորյանը նշեց. «Եթե մենք նայում ենք Էստոնիային և նույնիսկ Ռուսաստանին, իրենց մոտ էլեկտրոնային հաղորդակցության տիրույթում նաև զարգացած երկրներում ինֆորմացիայի 90 տոկոսը պոզիտիվ է քաղաքացու համար, ինքը լավ բաներ է պետությունից լսում, ըստ այդմ բոլորը մոտիվացված են ունենալ կոմունիկացիա պետության հետ: Մեզ մոտ, եթե պետությունը քեզ ծանուցումով փնտրում է՝ անպայման մի պրոբլեմ հետդ տեղի կունենա, սրա մասին պետք է լուրջ մտածենք»:
Վարչապետ Նիկոլ Փաշինյանը հավելեց, որ մեր ենթագիտակցության մեջ ընդհանրապես պետությունը նեգատիվ բան է. «34 տարվա ընթացքում մենք դեռ չենք կարողացել մեր ենթագիտակցության մեջ պետություն բառը նեգատիվից դարձնել պոզիտիվ, սրա համար կան բազմաթիվ սոցիալ-հոգեբանական, պատմական և այլ պատճառներ: Սրանից հետո պոզիտիվ ինֆորմացիաներ կծանուցենք»:
