Բաժանորդագրվեք Zarkerak.am-ի տելեգրամ ալիքին։
Հունվարի 24-ին՝ կրթության միջազգային օրը, Մեսրոպ Մաշտոցի անվան Մատենադարանի Հրաչյա Թամրազյանի անվան դահլիճում տեղի ունեցավ «Կրթվելը նորաձև է» շարժման հերթական բանախոսությունը՝ «Կրթություն՝ առանց դոգմաների» խորագրով: Բանախոսն էր «Մեր ժամանակների հերոսը» 2025-ի գլխավոր մրցանակակիր, աստղագետ Ավետիք Գրիգորյանը, որը «ԱՅԱՍ» տիեզերագիտական ընկերության, «Բազումք» տիեզերական հետազոտությունների լաբորատորիայի և Հայաստանի հրթիռամոդելային ասոցիացիայի համահիմնադիրն է:
Միջոցառման մեկնարկին հնչեց Gaudeamus Igitur ակադեմիական հիմնը՝ օրվան հաղորդելով խորհրդանշական երանգ:
«Իմ քայլը» բարեգործական հիմնադրամի փոխտնօրեն Թալին Թօփալաքեանը մանրամասնեց ծրագրի նպատակները:
Բանախոսության ընթացքում Ավետիք Գրիգորյանը խոսեց գիտությանը նոր դիտանկյունից մոտենալու կարևորության մասին՝ ընդգծելով, որ գիտությունը պարզապես կանոնների ու բանաձևերի հավաքածու չէ, այլ մտածողություն, հետաքրքրություն և համարձակություն։
Ընդհանուր առմամբ բանախոսությանը ներկա էր գիտական ակտիվ համայնք․ մասնակցում էին բազմաթիվ գիտնականներ, ֆիզիկոսներ, մաթեմատիկոսներ, մանկավարժներ, ինչպես նաև պարզապես ինքնազարգացմամբ զբաղվով քաղաքացիներ, որոնց համար հանդիպումը դարձավ մտքերի փոխանակման և նոր գաղափարների ծննդի կարևոր հարթակ։
Բանախոսությանը հաջորդեց կենդանի և անկեղծ հարցուպատասխան:
Առավել մանրամասն՝ տեսանյութում:
