Բաժանորդագրվեք Zarkerak.am-ի տելեգրամ ալիքին։
Քաղաքաշինության կոմիտեի նախագահ Եղիազար Վարդանյանը Տավուշի մարզում այցելել է Բագրատաշենի մոդուլային մսուր-մանկապարտեզ, որը կառուցվում է կոմիտեի համակարգմամբ։
144 երեխայի համար նախատեսված, մետաղական կոնստրուկցիաներով և սենդվիչ պանելներով մսուր-մանկապարտեզի շինարարությունն ավարտված է. կատարվում են վերջին աշխատանքները։
Նախկին կապալառուի հետ պայմանագիրը լուծվել էր՝ աշխատանքները ժամանակին և որակով չիրականացնելու պատճառով։ Այնուհետև ներգրավվել է նոր կապալառու՝ մնացորդային աշխատանքներն իրականացնելու և ծրագիրը պատշաճ որակով ավարտին հասցնելու համար։
Կոմիտեի նախագահը քաղաքաշինական ծրագրերի իրականացման վարչության մասնագետների և կապալառու ընկերության ներկայացուցիչների հետ շրջել է տարածքում, դիտարկել ինչպես շենքային պայմանները, կահավորումը, այնպես էլ բարեկարգված տարածքը։ Քննարկվել են մանկապարտեզը վերջնական տեսքի բերելու և շահագործման հանձնելու հետ կապված հարցեր։
