Բաժանորդագրվեք Zarkerak.am-ի տելեգրամ ալիքին։
Մենք ասում ենք, որ ղարաբաղյան շարժումը չենք շարունակելու, դուք ասում եք՝ շարունակելու ենք: Այս մասին այսօր ԱԺ հերթական նիստում ասասց ԱԺ փոխնախագահ Ռուբեն Ռուբինյանը՝ դիմելով դաշնակցական գործընկերներին։
«Եթե Հայաստանը ընդունի, որպես իր քաղաքականության հիմք այն ինչ-որ դուք ասում եք, դա բերելու է պատերազմի և դրա համար տեղեկություն պետք չի, դա կոչվում է վերլուծություն՝ պատճառահետևանքային կապերի վերհանում և դրա հիման վրա ապագայի պրոեկտում՝ ունակություն, որից դուք զուրկ եք»,-ասաց նա:
Ռուբեն Ռուբինյանը մեջբերեց ՀՀ վարչապետ Նիկոլ Փաշինյանի խոսքերը, ըստ որի՝ այս խաղաղությունն այսօր այն խաղաղությունն է, որի շնորհիվ 2 տարի 2 ամիս մեր սահմաններին զոհ չկա հակառակորդի կրակոցից:
Նրա խոսքով՝ Դաշնակցությունը այս բոլոր կոմբոնենտները վիճարկում է և ասում, որ Հայաստանը չի կարող սահմանափակվել իր 29 հազար 743 քառ․ կմ-ի մեջ, ինչը ասել է ՝ «Հայաստան» դաշինքի առաջնորդը Ռոբերտ Քոչարյանը:
