Բաժանորդագրվեք Zarkerak.am-ի տելեգրամ ալիքին։
ԱԺ «Քաղաքացիական պայմանագիր» խմբակցության պատգամավոր Սարգիս Խանդանյանը սոցցանցի իր էջում անդրադարձել է դաշնակացականների կողմից Թուրքիայի դրոշը վառելու հերթական քայլին։
«Ինձ թվում է`աշխարհում չկա որևէ երկրին քաղաքական կամ դիվանագիտական մեսիջ հղելու ավելի անհեթեթ եղանակ, քան այդ երկրի դրոշը վառելն է:
Կյանքում առաջին և վերջին անգամ ջահերով երթին մասնակցել եմ 2007 թվականի ապրիլի 23-ին, առաջին կուրսում: Ազատության հրապարակում միջոցառմանն իմ ներկայությունն ավարտվեց սկսվելուց 15 րոպե անց, երբ «խիզախ» դաշնակցականներն այրեցին Թուրքիայի դրոշը: Վստահ եմ 17 տարեկանում ես չէի կարող ունենալ այդ գործողության վերաբերյալ խորը վերլուծություն ու գնահատական, բայց շատ լավ հիշում եմ անզորության ու թուլության անտանելի զգացումը այդ պահին` «իբր ի՞նչ»:
2026 թվականին Դաշնակցությունը դեռ դրոշ է վառում:
Հայոց ցեղասպանության զոհերի հիշատակն հարգելու ավելի արժանապատիվ ու ազդեցիկ ձևեր կան»։
