Բաժանորդագրվեք Zarkerak.am-ի տելեգրամ ալիքին։
Բրիտանիայի արքայադուստր Մարգարեթի թոռը՝ Սեմ Չատոն, ամուսնության առաջարկ է արել հայազգի Էլեոնոր Էքսերջյանին: Այս մասին հայտնում է TATLER-ը:
Հայտնելով այս մասին՝ Սեմն իր ինստագրամյան էջում գրել է․ «Ինձ համար մեծ ուրախություն է հայտնելը, որ Էլլին և ես նշանվել ենք։ Եվ մենք չենք կարող ավելի երջանիկ լինել։ Ես առաջարկությունն արեցի իմ պատրաստած ճենապակյա մատանիով»։
Էլեոնոր Էքսերջյանի հայրը հայտնի արվեստաբան, պրոֆեսոր Դեյվիդ Էքսերջյանն է, որը զբաղեցնում է Լեսթերի համալսարանի արվեստի և կինոյի պատմության պատվավոր պրոֆեսորի պաշտոնը։ Ինչպես Սեմը, Էլեոնորան նույնպես Էդինբուրգի համալսարանի շրջանավարտ է։
Էլեոնորան աբստրակտ նկարչուհի է, որի աշխատանքների մեծ մասը ոգեշնչված է հայկական սփյուռքով և պահվում է բազմաթիվ մասնավոր հավաքածուներում, այդ թվում՝ Լոնդոնի Redfern պատկերասրահում։ Նրա գործերից մեկը, որը կոչվում է «ՍԵՄ» («SAM»), իր թագավորական ընկերոջ հուզիչ էսքիզն է, որը ժամանակին ցուցադրվել է The Gallery at Green & Stone-ի ամառային ցուցահանդեսին։
