Բաժանորդագրվեք Zarkerak.am-ի տելեգրամ ալիքին։
ՀՀ անվտանգության խորհրդի քարտուղար Ալեն Սիմոնյանը «Ֆեյսբուք»-ի իր էջում գրառում էր կատարել՝ անդրադառնալով Գոռ Վարդանյանի ղեկավարմամբ ու մասնակցությամբ նկարահանված ֆիլմերից մեկի մի դրվագին:
«Էս «Չորնի պարիկ է» է՜, ինչ է, սրան մեկդ ասեք, որովհետև վստահ չեմ, որ սա կարդալ գիտի կամ հասկանում է, երբ կարդում է, որ երկրի ղեկավարի մասին խոսելուց առաջ մի հատ գիտակցի՝ ինքը ով է, ինչ է, որ իր նմանների ու իր կերպարների նմանների տեղը բանտում է իրենց գողական պանյատներով: Բացատրեք սրան, որ իր պրիմիտիվ ֆիլմերով՝ անկախ նրանից, թե ինքն էնտեղ քանի անգամ ՆԱՐԿՈՏьԻԿ բառը կասի, ինքը մեր ժողովրդին, մեր երիտասարդներին, մեր պետությանը մեծ վնաս է տալիս:
Ինչքան գողական ռազբոռկա, քրեական ենթամշակույթ կա, իր ու իր նմանների տարածածն է, որ իրար փողոցներում խփում են, իր ու իր նմանների գովազդածն է, որ բանակում ոչ կանոնադրային հարաբերությունների հետևանքով իրար վրա կրակում են կամ ինքնասպան լինում, նաև իր նկարած մանրուղեղ ֆիլմերն են մեղավոր: Իսկ եթե ուզում է Արարատը հետ բերի, թող նստի Երևանի կենտրոնում տաքսի ու ասի, որ քշեն Թուրքիա: Կամ կարո՞ղ է մինչև դա պատմի, թե ինքն ու Չոռնին ուր էին 44 օր պատերազմի ժամանակ:
Ես նիկոլական եմ, ու Արարատը մեզ համար սուրբ սար է, այ քեզ ով է էդքան պռախոդ տվել, որ դու սենց դեբիլություններ նկարես ու երկրի ղեկավարի մասին խոսես՝ դա կպարզենք»,- գրել էր Սիմոնյանը:
Գոռ Վարդանյանը արձագանքել է Ալեն Սիմոնյանի գրառմանը և հայտնվել անհարմար իրավիճակում: Վերջինս մի քանի տող գրառման մեջ բազմաթիվ ուղղագրական սխալներ է թույլ տվել, որը նկատել է Ալեն Սիմոնյանը:
«Լավ կլիներ, որ ժամանակին գոնե մի քանի ամիս դպրոց հաճախած լինեիք, մասնավորապես հայոց լեզվի դասերին»,- Վարդանյանի գրառման սքրինշոթին կից գրել է Ալեն Սիմոյանը:
