Ռուսաստանի արտաքին գործերի նախարար Սերգեյ Լավրովը Իրանի ԱԳ նախարարի պաշտոնակատար Ալի Բաղերի Քանիի հետ Նիժնի Նովգորոդում քննարկել է համագործակցության մասին համապարփակ համաձայնագրի տեքստի ուղղությամբ աշխատանքի ավարտը:
Ռուսաստանի դիվանագիտական գերատեսչության տվյալով՝ բանակցություններում շեշտվել է Ռուսաստանի և Իրանի միջև ռազմավարական գործընկերության ձևավորման ուղղությամբ ջանքերի շարունակման կարևորությունը, ինչպես նաև հաստատվել է նախկին նախագահ Էբրահիմ Ռայիսիի կառավարությանն առընթեր համաձայնեցված բոլոր նախագծերի և համագործակցության ուղղությունների անվերապահ իրականացման տրամադրվածությունը:
Անդրադարձ է եղել նաև միջազգային և տարածաշրջանային թեմաների, ներառյալ՝ փոխգործակցությունը BRICS-ի և ՇՀԿ-ի շրջանակներում։
