Բաժանորդագրվեք Zarkerak.am-ի տելեգրամ ալիքին։
«Հուլիսի 1-ի դրությամբ հավաստագիր է ստացել ավելի քան 1600 ընտանիք և իրացվել է ավելի քան 390-ը: Այս պահին տրամադրվող հավաստագրերի շրջանակում ընտանիքի յուրաքանչյուր անդամին տրամադրվում է 3-5 միլիոն դրամ, կախված թե որ բնակավայրում է ձեռք բերվում կամ կառուցվում անշարժ գույքը, առաջարկվում է սահմանել 4 միլիոն դրամ սահմանաչափով բնակավայրերի ցանկ: Այս պահին ներառված են 57 համայնքների 452 բնակավայրեր, այս նախագծով առաջարկում ենք սահմանել 611 բնակավայրեր և դրանց համար սահմանել 4 միլիոն դրամ»,- կառավարության նիստում անդրադառնալով ԼՂ-ից բռնի տեղահանվածների բնակարանային աջակացության ծրագրում սպասվող փոփոխություններին՝ այս մասին ասաց ԱՍՀ նախարար Նարեկ Մկրտչյանը:
Նշեց, որ ծրագրի 2-րդ և 3-րդ փուլերը կմեկնարկեն այս ամսվանից, դիմումներն ընդունվում են.«Ծրագիրը բացում ենք բոլոր թիրախային խմբերի համար, անկախ ընտանիքի կազմից: Ծրագրին դիմելու վերջնաժամկետը սահմանում ենք 2027-ի դեկտեմբերի 31-ը՝ 2025-ի դեկտեմբերի 31- փոխարեն»:
Նախարարը նաև նշեց.«Սահմանում ենք հավաստագրի իրացման արդյունքում ձևավորված դրական մնացորդի իրացման ընթացակարգ այն դեպքերի համար, երբ ձեռքբերված գույքի արժեքը փոքր է տվյալ ընտանիքին հասանելի աջակցության չափից և մենք այդ դրական մնացորդը հնարավորություն ենք տալիս օգտագործել երեք ուղղություններով՝ վերանորոգման վարկի ստացման, գյուղատնտեսական նշանակության հողամասի ձեռքբերման, կահույքի կամ կենցաղային տեխնիկայի գնման համար»:
