Բաժանորդագրվեք Zarkerak.am-ի տելեգրամ ալիքին։
Հայաստանի, Ադրբեջանի և Միացյալ Նահանգների ղեկավարների Վաշինգտոնյան հանդիպումն ու ստորագրված փաստաթղթերը պատմական նշանակություն ունեն. տարածաշրջանային խաղաղությունն ու կայունությունը պետք է ծառայեն ժողովուրդների բարեկեցությանն ու առաջընթացին:
Այդ մասին հայտարարել է Ադրբեջանի արտգործնախարար Ջեյհուն Բայրամովը՝ Թյուրքական պետությունների կազմակերպության արտաքին գործերի նախարարների խորհրդի նիստում:
«Տասնամյակներ շարունակված հակամարտության կարգավորման գործընթացի ուղղությամբ Ադրբեջանի հետևողական ջանքերն ու նպատակաուղղված գործողություններն ուղղված են մեր տարածաշրջանում խաղաղության և կայունության հաստատմանը»,- ասել է դիվանագետը:
Նա հավելել է, որ տարածաշրջանում համագործակցության կայունության համար անհրաժեշտ է ամրապնդել նաև տնտեսական կապերը: Բայրամովի խոսքով՝ Ադրբեջանը հետևողական ջանքեր է գործադրում «Միջին միջանցքի» ակտիվացման համար: TRIPP ուղու մասին Բայրամովը կարծիք է հայտնել, որ այն կարևոր քայլ է տարածաշրջանային հաղորդակցությունը դիվերսիֆիկացնելու ուղղությամբ:
