Բաժանորդագրվեք Zarkerak.am-ի տելեգրամ ալիքին։
Հայէկոնոմբանկը, շարունակելով սերտ և ռազմավարական համագործակցությունը միջազգային ճանաչում ունեցող ֆինանսական կազմակերպությունների հետ, 2026թ. փետրվարին 10 մլն ԱՄՆ դոլարի և 5 մլն եվրոյի ներգրավման պայմանագրեր է կնքել շվեյցարական առաջատար responsAbility Investments AG ընկերության կողմից կառավարվող ներդրումային ֆոնդերի հետ:
Պայմանագրի շրջանակում ներգրավված միջոցներն ուղղվելու են Հայաստանում միկրո, փոքր և միջին ձեռնարկությունների (ՄՓՄՁ) վարկավորմանը՝ նպաստելով տնտեսության աճին և ոլորտի մրցունակության բարձրացմանը։
Բանկը, լինելով ՀՀ տնտեսության զարգացմանը նպաստող կառույց և մատուցելով կորպորատիվ, ներդրումային և մանրածախ ծառայությունների համալիր փաթեթ, շարունակում է իրականացնել իր հիմնական գերակայություններից մեկը՝ նպաստել երկրի տնտեսության աճին միջազգային ֆինանսական կառույցների հետ երկարաժամկետ ռազմավարական համագործակցության միջոցով։
responsAbility Investments AG-ի մասին
tresponsAbility Investments AG-ն շվեյցարական առաջատար ներդրումային կազմակերպություն է, որը մասնագիտացած է մասնավոր շուկաներում ներդրումների մեջ՝ նպաստելով Միավորված ազգերի կազմակերպության կայուն զարգացման նպատակներին (United Nations Sustainable Development Goals - SDGs) երեք հիմնական ներդրումային ուղղություններով` ֆինանսական ներառականություն, այդ թվում ՄՓՄՁ-ների ֆինանսավորում, Կլիմայի ֆինանսավորում և Կայուն սնունդ։
2003թ. իր հիմնադրումից ի վեր responsAbility -ն իրականացրել է ավելի քան 17.6 մլրդ ԱՄՆ դոլարի նպատակային ներդրումներ: Ունենալով ավելի քան 280 աշխատակից գործող 6 գրասենյակներում՝ 2025թ. դեկտեմբերի 31-ի դրությամբ կազմակերպությունը կառավարում է 5.8 մլրդ ԱՄՆ դոլարի ակտիվներ 70 երկրներում գործող շուրջ 330 ընկերություններում:
86 86 | aeb.am
Հայէկոնոմբանկը վերահսկվում է ՀՀ Կենտրոնական բանկի կողմից:
