Բաժանորդագրվեք Zarkerak.am-ի տելեգրամ ալիքին։
«Շատ կարևոր է, որ արդեն գործարարների խմբերով է հանդիպում տեղի ունենում: Նոյեմբերից մինչև հիմա շուրջ 26 հազար տոննա ապրանք է Ադրբեջանի տարածքով եկել Հայաստան և հիմա գործնականում արգելք և խոչընդոտ չկա, որ Հայաստանից ապրանքներ արտահանվեն»,- լրագրողների հետ ճեպազրույցում ասաց վարչապետ Նիկոլ Փաշինյանը:
Նա նշեց, որ պետք է հաշվի առնեն, որ Հայաստանը 35 տարի աշխատել է ավտոմեքենայով արտահանելու տրամաբանությամբ. «Որևէ մեկի համար հեշտ չի միանգամից տրանսպորտային միջոցը փոխել, համոզված եմ, որ առաջիկայում Հայաստանից արտահանումներ կլինեն: Որևէ քաղաքական կամ տեխնիկական արգելք չկա, ինչպես ապրանքները գալիս են Հայաստան գնացքով, այնպես էլ Հայաստանից կարող են Ադրբեջանի տարածքով ապրանքներ արտահանվել: Հիմա ցուցակներ են փոխանցված՝ իրենց հետաքրքրությունն արտահայտելու և համոզված եմ, որ այդ թվում՝ ՀՀ-ից, որոշակի ապրանքախմբեր կարտահանվեն այդ թվում՝ Ադրբեջան»:
