Բաժանորդագրվեք Zarkerak.am-ի տելեգրամ ալիքին։
Հուլիսի 15-ին Երևանի քաղաքապետարանի աշխատակազմի հասարակական կարգի պահպանության ծառայության և Ներքին գործերի նախարարության ոստիկանության գվարդիայի համապատասխան աշխատակիցները Երևանի վարչական տարածքում կազմակերպած համատեղ միջոցառումների արդյունքում հայտնաբերել են օրենսդրությամբ սահմանված պահանջների խախտմամբ ծառայություն մատուցելու դեպքեր:
Ըստ Երևանի քաղաքապետարանի՝ մասնավորապես արձանագրվել են՝ առանց իրավական հիմքերի վճարովի ավտոկայանատեղի կազմակերպելու, որի համար վարչական իրավախախտումների վերաբերյալ ՀՀ օրենսգրքի 162-րդ հոդվածի համաձայն կազմվել են թվով 10 արձանագրություններ:
Քաղաքապետարանից զգուշացնում են, որ միջոցառումները կրելու են շարունակական բնույթ, ուստի հորդորում են քաղաքացիներին վարչական իրավախախտման դեպքեր թույլ չտալ` հաշվի առնելով, որ այն առաջացնում է իրավական հետևանքներ:
