Բաժանորդագրվեք Zarkerak.am-ի տելեգրամ ալիքին։
Հայտնի են դարձել Իսպանիայի Լա Լիգայի երկու գրանդների՝ Մադրիդի «Ռեալի» և կատալոնական «Բարսելոնայի» ամենաբարձր վարձատրվող ֆուտբոլիստները։
Հեղինակավոր Capology պորտալի (ֆուտբոլիստների և ակումբների ֆինանսական տվյալների, աշխատավարձերի ու պայմանագրերի աշխարհի առաջատար հարթակ) հրապարակած տվյալների համաձայն՝ «արքայական» ակումբում և ողջ առաջնությունում բացարձակ առաջատարը Կիլիան Մբապեն է, իսկ կատալոնական ակումբում առաջին հորիզոնականը կիսում են նորեկ Ռոդրին ու երիտասարդ աստղ Լամին Յամալը։
Ըստ աղբյուրի՝ «կապտանռնագույնների» ճամբարում Ռոդրիի և Յամալի տարեկան աշխատավարձը կազմում է հավասարապես 31,25 միլիոն եվրո։ Իսպանիայի Լա Լիգայի առաջատարների ցանկն ունի հետևյալ տեսքը.
Հիշեցնենք, որ «Բարսելոնան» 30-ամյա Ռոդրիի տրանսֆերի մասին պաշտոնապես հայտարարեց օգոստոսի 18-ին։ 2024 թվականի «Ոսկե գնդակի» դափնեկիրը կատալոնացիների հետ ստորագրել է երկարաժամկետ պայմանագիր, որն ուժի մեջ է մինչև 2030 թվականը։
Ավելի վաղ շրջանառվող լուրերի համաձայն՝ իսպանացի կիսապաշտպանի տեղափոխության համար ակումբը որպես հաստատագրված գումար վճարել է 60 միլիոն եվրո, իսկ ևս 15 միլիոն նախատեսված է վճարել բոնուսների տեսքով։
