Հայաստանի խորհրդարանի կողմից Հռոմի միջազգային քրեական դատարանի կանոնադրության վավերացումը չի խաթարի Ռուսաստանի և Հայաստանի ժողովուրդների դարավոր բարեկամությունը:
Այս մասին X-ի (նախկին՝ «Թվիթեր») իր միկրոբլոգում գրել է Դաշնության խորհրդի փոխնախագահ Յուրի Վորոբյովը։
«Վստահ եմ, որ ոչ մի ուժ չի կարողանա քանդել ռուս և հայ ժողովուրդների դարավոր բարեկամությունը»,- հավելել է նա:
Քաղաքական գործիչը նշել է, որ այս որոշումն ընկալվում է որպես ոչ բարեկամական քայլ ՌԴ նախագահ Վլադիմիր Պուտինի նկատմամբ։
«Հայ խորհրդարանականների որոշումը ոչնչացնում է կառուցողական և վստահելի հարաբերությունները, որոնք ձևավորվել են մեր ռուս-հայկական միջխորհրդարանական հանձնաժողովի աշխատանքների շրջանակներում»,- նշել է պատգամավորը:
Հիշեցնենք, որ այսօր ՀՀ Ազգային ժողովը վավերացրել է Հռոմի ստատուտը։
