Իսրայելի բանակի կողմից ավիահարվածի հետևանքով զոհվել է ՀԱՄԱՍ շարժման հրամանատարը։ Այս մասին գրում է ՛՛ՌԻԱ Նովոստի՛՛-ն՝ վկայակոչելով լիբանանյան ռազմադաշտային աղբյուրը:
Գործակալության տեղեկություններով՝ հարվածը հասցվել է Ալ-Մասնաա շրջանի մայրուղու վրա՝ Սիրիայի հետ Լիբանանի սահմանի մոտ։ ՀԱՄԱՍ-ի հրամանատարի հետ, որը պատասխանատու էր Բեքաայի շրջանի համար, զոհվել է նրան ուղեկցողներից մեկը։
Ավելի վաղ Al Hadath հեռուստաալիքը հայտնել էր, որ Իսրայելը ԱԹՍ-ի օգնությամբ հարվածել է ՛՛Ալ-Գամաա ալ-Իսլամիա՛՛-ի գրոհայինների մեքենային լիբանանասիրիական սահմանի ՛՛Մասնաա՛՛ անցակետի շրջանում:
