Հնդկաստանի օդանավակայանները շարունակում են բախվել Microsoft-ի խափանումներով պայմանավորված խնդիրների հետ: Ինչպես հայտնում է Business Today-ը, հարավասիական հանրապետության ամենամեծ միջազգային օդանավակայանը՝ Դելիի «Ինդիրա Գանդիի» օդանավակայանը, լուրջ դժվարություններ ունի։
Ինչպես նշվում է հրապարակման մեջ, չնայած Microsoft-ի` ծառայությունը վերականգնելու մասին հայտարարությանը, Հնդկաստանի մայրաքաղաքի օդանավակայանում գրանցման սեղանների մոտ երկար հերթեր են մնում, բոլոր գործընթացները չափազանց դանդաղ են ընթանում, իսկ DigiYatra թվային գրանցման համակարգը դեռ չի աշխատում:
