Բաժանորդագրվեք Zarkerak.am-ի տելեգրամ ալիքին։
Ճապոնիայում շոգի պատճառով մեկ շաբաթում հոսպիտալացվել է ավելի քան 5000 մարդ։
Այս մասին են վկայում երկրի վարչական գործերի և հաղորդակցության նախարարության հրապարակած տվյալները, որը համակարգում է փրկարարական ծառայությունների աշխատանքը, հաղորդում է ՏԱՍՍ-ը:
Ըստ այս տեղեկությունների՝ օգոստոսի 17-23-ն ընկած ժամանակահատվածում հոսպիտալացվել է 5122 մարդ, իսկ 5 մարդ՝ մահացել։
Ճապոնիայում ամենաշոգ եղանակը սովորաբար լինում է հուլիսին և օգոստոսին: Մի շարք շրջաններում վերջին շաբաթներին ջերմաչափերի սնդիկի սյունը բարձրացել է 40 աստիճանից բարձր։
Ամեն տարի Ճապոնիայում ջերմային հարվածները տասնյակ հազարավոր մարդկանց հոսպիտալացման պատճառ են դառնում, արձանագրվում են հարյուրավոր մահացու դեպքեր:
