Բաժանորդագրվեք Zarkerak.am-ի տելեգրամ ալիքին։
2002 թվին՝ 24 դեպք, 2003-ին՝ 13 դեպք, թիվ եք ուզո՞ւմ, 2010 թվականին սպանության և ինքնասպանության 21 դեպք․ բա Սերժ Սարգսյանը, Ռոբերտ Քոչարյանը, Գեղամ Մանուկյանը ինչո՞ւ չեն հրաժարական տվել։ Այս մասին այսօր Ազգային ժողովում կառավարության ծրագրի եզրափակիր ելույթում ասաց ՀՀ վարչապետ Նիկոլ Փաշինյանը՝ անդրադառնալով ընդդիմության քննադատություններին՝ կապված բանակում մահվան դեպքերի հետ։
Վարչապետը նշեց, որ միջազգային զեկույցը ասում է, որ ինքնասպանության պրոպագանդան բերում է նոր ինքնասպանության։ «Մեր ընդդիմությունը խոցելու համար՝ երբեմն նախարարին, երբեմն կառավարությանը, զբաղված է ինքնասպանության պրոպագանդայով»,-ասաց նա։
Նիկոլ Փաշինյանը նշեց, որ Արցախը իրենց համար եղել է ընդամենը փող քերելու միջոց, Ղարաբաղի ժողովրդին, Հայաստանի ժողովրդին պատանդ են պահել ու թալանել են։ Կառավարության ծրագիրը քվեարկությունից առաջ «Ուժեղ Հայաստան» խմբակցությունը 20 րոպեանոց ընդմիջում խնդրեց։
