Բաժանորդագրվեք Zarkerak.am-ի տելեգրամ ալիքին։
ԱՄՆ նախագահ Դոնալդ Թրամփը New York Post-ին հայտնել է, որ հեռախոսազրույց է ունեցել Ռուսաստանի նախագահ Վլադիմիր Պուտինի հետ: Նա նշել է, որ քննարկել են Ուկրաինայի հակամարտության կարգավորումը: Թրամփը հույս է հայտնել, որ ռազմական գործողություններն արագ կավարտվեն։
Հարցին, թե քանի անգամ է շփվել ՌԴ նախագահի հետ՝ Թրամփը պատասխանել է. «Գերադասում եմ ոչինչ չասել»:
ԱՄՆ նախագահը նաև նշել է, որ Վլադիմիր Պուտինը «ցանկանում է, որ մարդիկ դադարեն զոհվել»։
Թրամփի խոսքով՝ ինքը հակամարտությանը վերջ տալու կոնկրետ ծրագիր ունի։
«Հուսով եմ, որ դա արագ կլինի: Մարդիկ ամեն օր զոհվում են... Ես ուզում եմ վերջ տալ այս անիծյալ բանին»,-ասել է նա։
Թրամփը նաև հայտարարել է, որ մտադիր է Ուկրաինայի նախագահ Վլադիմիր Զելենսկիի հետ 500 միլիոն դոլարով գործարք կնքել հազվագյուտ հանքանյութերի և գազի հասանելիության վերաբերյալ։
