Բաժանորդագրվեք Zarkerak.am-ի տելեգրամ ալիքին։
Երեք մարդ զոհվել է, ևս ութը՝ վիրավորվել, երբ շաբաթ երեկոյան ինչ-որ մեկը նավակից կրակ է բացել Հյուսիսային Կարոլինայի նավահանգստի ափամերձ խորտկարանում եղած մարդկանց ուղղությամբ, հաղորդում է NBC News-ը։
Սաութփորթ քաղաքի վարչակազմի ներկայացուցիչ Չիաննա Քեթչումի վկայությամբ, նավակը կանգ է առել American Fish Company շենքի դիմաց՝ Սաութփորթի զբոսանավերի նավահանգստում, և զինված անձը կրակ է բացել։ Վիրավորների վիճակի մասին մանրամասներ չեն հաղորդվում։
Ըստ Քեթչումի, հրաձիգը հեռացել է ափամերձ ջրային ուղով։
Մամուլի քարտուղարը հայտնել է, որ շաբաթ երեկոյան հարցաքննվել է կասկածյալը։
Սաութփորթի իշխանություններն իրենց հայտարարությամբ կոչ են արել այդ շրջանի բնակիչներին մնալ տներում և 911 համարով հայտնել իշխանություններին ցանկացած կասկածելի անձի մասին։
