Բաժանորդագրվեք Zarkerak.am-ի տելեգրամ ալիքին։
ԱՄՆ-ում սկսվել է ուկրաինական պատվիրակության և ամերիկյան կողմի միջև հանդիպումը:
Այս մասին հայտարարել է Ուկրաինայի Ազգային անվտանգության և պաշտպանության խորհրդի քարտուղար Ումերովը՝ «Տելեգրամ»-ում գրառում կատարելով:
Նա հայտարարել է, որ քննարկվելու են արժանապատիվ խաղաղության հասնելու քայլերը։
Ավելի ուշ Ումերովը ջնջել է գրառումը։
Ինչպես ավելի վաղ հայտնել էին լրատվամիջոցները, հանդիպմանը մասնակցելու են ԱՄՆ պետքարտուղար Մարկո Ռուբիոն, Թրամփի հատուկ դեսպանորդ Ուիթքոֆը և ԱՄՆ նախագահի փեսան՝ Ջարեդ Քուշները։
«Մենք ունենք հստակ ուղղություններ և առաջնահերթություններ՝ պաշտպանել Ուկրաինայի շահերը, առարկայական երկխոսություն վարել և առաջ շարժվել՝ հիմնվելով Ժնևում ձեռք բերված նվաճումների վրա։ Մենք աշխատում ենք Ուկրաինայի համար իրական խաղաղության և երաշխավորված անվտանգության համար», - գրել է Ումերովը։
Նա հավելել է, որ այսօրվա հանդիպումներից հետո պատվիրակությունը զեկույց կներկայացնի Ուկրաինայի նախագահին։
Մի քանի րոպե անց հաղորդագրությունը ջնջվել է Ազգային անվտանգության և պաշտպանության խորհրդի քարտուղարի հաշվից։
Շաբաթ օրը Ռուստեմ Ումերովի գլխավորած ուկրաինական պատվիրակությունը մեկնել է ԱՄՆ-ում նոր բանակցությունների, որոնք նախատեսված են Ֆլորիդայում:
Նախագահ Զելենսկին լավատեսություն է հայտնել Ֆլորիդայում «խաղաղության ծրագրի» բանակցությունների վերաբերյալ։
