Բաժանորդագրվեք Zarkerak.am-ի տելեգրամ ալիքին։
«Կարծում եմ, որ այդ անձն այն խոստումները, որ տվել է Հայաստանից դուրս գտնվող որոշ շրջանակների, որոնք որոշակի լծակներ ունեն նաև իր ունեցվածքի վրա, ակնհայտ է, որ ինքն իր ստանձնած պարտավորությունները չի կատարելու և ակնհայտ է, որ այդ ամբողջ ունեցվածքն իր ձեռքից վերցվելու է, ես դրա համար շատ ցավում եմ»,- լրագրողների հետ ճեպազրույցում ասաց վարչապետ Նիկոլ Փաշինյանը:
Փաշինյանը նաև նշեց. «Ես ուրիշների խոստումները հանրությանը ներկայացնող սուբյեկտը չեմ, դրա համար կան սուբյեկտներ, թող իրենք պարզաբանեն՝ ում ինչ են խոստացել, ում առաջ ինչ են պարտավորվել, ում ինչ են հավաստիացրել և այդպես շարունակ»:
Խոսելով ՀԷՑ-ի մասին՝ Փաշինյանը նշեց. «ՀԷՑ-ում տեղի է ունեցել մի շատ տարօրինակ «պատահականություն»: 2024 կամ 2023 թվականին նախորդող վճարումների ամբողջ հաշվեկշիռն անհետացել է: Այսինքն՝ եթե հիմա որևէ մեկը փորձի հետ գնալ և պարզել՝ 2 տարի առաջ քաղաքացուց գանձված էլեկտրանէներգիայի գումարը ճիշտ է հաշվարկվել, ավել է գանձվել, թե՝ ոչ, այդ ինֆորմացիան անհետացել է ՀԷՑ-ից այդ անձանց կառավարման ներքո: Էդ ինչ կառավարում է, որ ամբողջ բազան անհետանում է»:
