Բաժանորդագրվեք Zarkerak.am-ի տելեգրամ ալիքին։
Վարորդական վկայականի գործնական քննությանը մասնակցելու ժամկետի երկարաձգման նախագծով նախատեսվում է, տեսական քննությունից հետո գործնական քննությունը հանձնել ոչ թե մեկ, այլ երկու տարում։
Zarkerak.am-ի հետ զրույցում փորձագետ Արտակ Խաչատուրովն ասաց, որ օրենքով հնարավոր է մեկ տարվա ընթացքում մինչև 11 անգամ վերահանձնել քննությունը, բայց հերթերի պատճառով հասցնում են 3 անգամ փորձել։ «Սա հնարավորություն կտա քաղաքացիներին չկորցնել արդեն հանձնած տեսական քննության արդյունքները»,- եզրափակեց Արտակ Խաչատուրովը:
Նա նաև նկատեց, որ նախկինում եղել են դեպքեր, երբ վարորդական վկայականները ձեռք են բերվել գումարի դիմաց, սակայն այսօր իրավիճակը էապես փոխվել է, և նման երևույթները այլևս չկան, և եթե նախկինում դեպքեր են եղել ապա բացահայտվել և պատասխանատվության են ենթարկվել ոչ միայն տվյալ պահին բռնված անձինք, այլ նաև նույն ձևով վարորդական վկայական ստացած քաղաքացիները: Այսօր արդեն գործընթացը հիմնականում ընթանում է բնական ճանապարհով․ քաղաքացիները պատրաստվում են, մասնակցում քննություններին և ստանում վկայականը առանց միջամտությունների»,- նշել է փորցագետը:
Արտակ Խաչատուրովի խոսքով՝ հետագայում հնարավոր է ներդրվեն էլեկտրոնային վերահսկողության լրացուցիչ մեխանիզմներ, ինչը կօգնի ավելի բարձր մակարդակի թափանցիկություն ապահովել:
