Բաժանորդագրվեք Zarkerak.am-ի տելեգրամ ալիքին։
ԱՄՆ նախագահ Դոնալդ Թրամփը հնարավոր է համարել, որ Վաշինգտոնն ու Թեհրանը գործարք կնքեն առաջիկա երկու շաբաթվա ընթացքում։
«Մենք հիմա բանակցություններ ենք վարում, և նրանք ցանկանում են շատ լավ գործարք կնքել, նրանք պատրաստ են մեզ ամեն ինչ տալ։ Նրանք պատրաստ են գնալ միջուկային զենքից հրաժարվելուն: Առնվազն մեկ-երկու օրից արդյունքի պատկերացում կկազմենք, բայց կարծում եմ՝ ամեն ինչ լավ է ընթանում»,- հայտարարել է Թրամփը հեռուստակոնֆերանսի ժամանակ:
«Ես կարծում եմ՝ մենք հաղթում ենք, բայց հաղթել պետք է առաջիկա երկու շաբաթվա ընթացքում: Դա կլինի լիակատար հաղթանակ, այն տեղի կունենա շատ շուտով, և նավթի գներն անմիջապես կընկնեն»,- շարունակել է Թրամփը։
Ավելի վաղ Թրամփը բազմիցս շարադրել էր այն դիրքորոշումը, համաձայն որի՝ ԱՄՆ-ն ու Իրանը մոտ են հակամարտության կարգավորման շուրջ համաձայնությունների կնքմանը։
