Բաժանորդագրվեք Zarkerak.am-ի տելեգրամ ալիքին։
2026 թվականի հունիսի 15-17-ը Թուրքիայի արտաքին գործերի նախարար Հաքան Ֆիդանն աշխատանքային այցով կժամանի Մոսկվա, ճեպազրույցի ժամանակ հայտարարել է Ռուսաստանի ԱԳՆ խոսնակ Մարիա Զախարովան։
Այցելության ընթացքում նախատեսվում են բանակցություններ Ռուսաստանի արտգործնախարար Սերգեյ Լավրովի հետ, ինչպես նաև այլ երկկողմ շփումներ։ Առաջիկա քննարկումների մանրամասները չեն հրապարակվում։
Կողմերը կքննարկեն ռուս-թուրքական համագործակցության արդիական հարցեր, ինչպես նաև միջազգային ու տարածաշրջանային օրակարգը, այդ թվում իրավիճակը Սև ծովում և Հարավային Կովկասում։ Ըստ խոսնակի՝ Ռուսաստանը և Թուրքիան պահպանում են կանոնավոր քաղաքական երկխոսությունն ամենաբարձր մակարդակներում։
Լավրովի և Ֆիդանի միջև նախորդ բանակցությունները տեղի են ունեցել երկկողմ հանդիպումների և բազմակողմ ֆորումների շրջանակներում, այդ թվում՝ սիրիական կարգավորման Աստանայի ձևաչափով։
