Բաժանորդագրվեք Zarkerak.am-ի տելեգրամ ալիքին։
ՀԱՊԿ-ին մեր մասնակցությունը կարող է սխալ տպավորություն թողնել։ Այս մասին Restart հիմնադրամի MaskOFF պանելային քննարկման ժամանակ ասել է վարչապետ Նիկոլ Փաշինյանը՝ պատասխանելով հարցին՝ մասնակցելո՞ւ է արդյոք նոյեմբերի 11-ին կայանալիք ՀԱՊԿ գագաթնաժողովին։
Փաշինյանը նշել է, որ Երևանում կայացած ՀԱՊԿ նիստի ընթացքում անդամ պետությունների ղեկավարներից հետաքրքրվել է, թե որն է այն տարածքը, որի նկատմամբ ոտնձգության դեպքում ՀԱՊԿ-ը կհամարի, որ ներխուժում է տեղի ունեցել Հայաստանի տարածք։
Նա, մասնավորապես, ասել է. «Քանի դեռ չենք ստացել այս հարցի պատասխանը, ՀԱՊԿ-ին մեր մասնակցությունը կարող է սխալ տպավորություն թողնել, որ մենք վերադառնում ենք մեր իսկ տարածքը չճանաչելու իրավիճակին, ինչը, չեմ կարծում որ, խելամիտ որոշում է»։
Հիշեցնենք, որ Հավաքական անվտանգության խորհրդի հերթական նիստը նախատեսված է նոյեմբերի 11-ին Մոսկվայում։ Նիստի ընթացքում կարող է քննարկվել նաև Հայաստանին ձայնի իրավունքից զրկելու հարցը։ Հայաստանը 2024 թվականի փետրվարից սառեցրել է իր մասնակցությունը ՀԱՊԿ աշխատանքներին
