Բաժանորդագրվեք Zarkerak.am-ի տելեգրամ ալիքին։
«Այդ ոլորտները բազմաթիվ են՝ սկսած տնտեսական համագործակցությունից՝ վերջացրած անվտանգության և պաշտպանության ոլորտներում համագործակցությամբ: Շատ հաջողված, բազմաոլորտ և լավ հեռանկարներ բացող փաստաթուղթ է»,- ԱԺ-Կառավարություն հարցուպատասխանի ժամանակ անդրադառնալով հայ-ամերիկյան ռազմավարական գործընկերության փաստաթղթի կնքմանը՝ ասաց ԱԳ նախարար Արարատ Միրզոյանը։
Խոսելով փաստաթղթի արձագանքների մասին՝ Միրզոյանն ասաց. «Մի մասն ասաց, որ վերջ, փրկվեցինք, ժողովուրդ ջան չփրկվեցինք, և պետք չի ընդհանրապես փրկիչներ ման գալ, ինչպես պետք չէր առաջ փրկիչներ ման գալ հյուսիսում, հիմա պետք չի փրկիչներ ման գալ հյուսիսում, հարավում, արևելքում, արևմուտքում: Եթե մենք փրկվելու ձև ունենք, ինքներս պիտի այնպես անենք, որ և՛ փրկվենք, և՛ զարգանանք, և՛ ամրանանք: Մենք ԱՄՆ-ի հետ տարիներ շարունակ ունեցել ենք համագործակցության մի ֆորմատ, որը կոչվել է ռազմավարական երկխոսություն: Նախորդ գարնանը մենք հայտարարել էինք, որ որոշել ենք և աշխատելու ենք, որ մեր այդ հարաբերությունները բարձրացնենք մի մակարդակ ավել՝ ռազմավարական գործընկերության և հունվարի 14-ին մենք այդ մասին փաստաթուղթ ենք կնքել: Ամենափայլունն այն մի խումբն էր, որ ասում էր, լավ է, վատ է, բայց մեզ սրա համար Մոսկվան և Թեհրանը պատժելու են: Մենք մեր մոսկովյան և թեհրանյան գործընկերների հետ շատ սերտ կապի մեջ ենք, գործընկերության մթնոլորտում աշխատում ենք»: