Բաժանորդագրվեք Zarkerak.am-ի տելեգրամ ալիքին։
Պետք է ֆիքսել, որ վերջին տարին, իհարկե, որոշ բացառություններով, բայց ամենախաղաղ տարիներից մեկն է եղել առնվազն գետնի վրա: Իհարկե, տեսել եք, վերջին օրերին եղել են որոշ իրադարձություններ, բայց ընդհանուր առմամբ, կարելի է ասել՝ ամենահանգիստ տարիներից մեկն է եղել, նաև որոշակի առաջընթաց է գրանցվել խաղաղության գործընթացում: Այս մասին խորհրդարանում լրագրողների հետ զրույցում հայտարարեց ԱԺ նախագահի տեղակալ Ռուբեն Ռուբինյանը:
Նրա խոսքով՝ համաձայնեցվել է Խաղաղության համաձայնագրի տեքստը, և արվում է ամեն ինչ, որպեսզի օր առաջ այն ստորագրվի:
Հարցին ի պատասխան՝ ինչն է լինելու 2026-ին կայանալիք խորհրդարանական ընտրություններում իրենց թեզը, նշեց՝ բնականաբար, մեկ թեզ չէ, որ լինելու է, դրանք վերաբերելու են կյանքի տարբեր ոլորտներին:
«Մենք շարունակելու ենք իրական Հայաստանի գաղափարախոսության շրջանակներում շարժվել առաջ և մեր քաղաքացիներին առաջարկել այն լուծումները, որ մենք տեսնում ենք: 2026-ի ընտրությունները ցույց կտան՝ ինչ է ժողովուրդը մտածում և ինչ է ուզում»,- ասաց նա:
