Բաժանորդագրվեք Zarkerak.am-ի տելեգրամ ալիքին։
«Այս ընդդիմությունը վախենում է իր առաջնորդներից որևէ մեկին բերի կանգնեցնի ԱԺ-ի առաջ, որովհետև նրանք հասկանում են, որ իրենց առաջնորդներից և ոչ մեկը քաղաքական առումով ի վիճակի չի կանգնել այս ԱԺ-ի առաջ, պատասխանել հարցերին ու լսել ելույթներ: Ռոբերտ Քոչարյանը, Սերժ Սարգսյանը սարսափած են այս ամբիոնի մոտ կանգնելուց, եթե նրանք գտնում են, որ այդպես չի՝ թող գան կանգնեն: Քաղաքականությունից են սարսափում, ես վստահեցնում եմ՝ Ռոբերտ Քոչարյանը սարսափում է այս խորհրդարանի առաջ կանգնելուց»,- լրագրողների հետ ճեպազրույցում ասաց ՔՊ խմբակցության պատգամավոր Վահագն Ալեքսանյանը:
Անդրադառնալով «Հայաստան» խմբակցության պատգամավոր Լևոն Քոչարյանի ելույթին և ԱԺ-ում տեղի ունեցած միջադեպին՝ Ալեքսանյանն ասաց. «Գալ ԱԺ ամբիոնի առաջ կանգնել ու ասել՝ ասում էիք, որ մենք 4 միլիարդ ունենք, բայց մեզնից ընդամենը 200 միլիոն դոլար է պահանջվում, ծիծաղելի է: Վաղն էլ գալու են ասեն՝ ասում էիք Ռոբերտ Քոչարյանը սպասնել է 30-40 մարդու, բայց պարզվում է, որ սպանել է ընդամենը 20 մարդու: 200 միլիարդ դոլար մարդկանցից փող է պահանջվում, ասում են՝ աշխատել ենք, էդ որտեղ եք աշխատել՝ Ղարաբաղում ուսանող կամ դպրոցական ժամանակներում Քոչարյանի մյուս տղան Տանզանիայում բուքմեյքերական ընկերություններ էր առնում, Աղդամից էին բերել, թե Հորադիզից: Հաճախ լինում է այնպես, որ մեր ընդդիմադիր պատգամավորների լկտի, փողոցային հայհոյանքներին, սադրանքներին ու վիրավորանքներին ի պատասխան մենք՝ որպես մարդ, պահի տակ մեզ չենք կարողանում զսպել ու ի պատասխան նույնին շատ ավելի թեթև եղանակներով փորձում ենք պատասխանել: Իհարկե, սխալ է ընդդիմության մակարդակին իջնելը»:
