Բաժանորդագրվեք Zarkerak.am-ի տելեգրամ ալիքին։
«Համաձայն չեմ, որ Դաշնակցությունը մեր արքետիպն է, ՀՅԴ-ն մեր ֆանտոմային ցավն է»,- ԱԺ-ում այս մասին ասաց ՔՊ խմբակցության ղեկավար Հայկ Կոնջորյանը:
Նա հիշեցրեց, որ ՀՀ-ում խաղաղության շահառուն ժողովուրդն է, պատերազմի շահառուն՝ խորհրդարանական ընդդիմությունն է, որովետև իր գաղափարախոսության մեջ չի պատկերացնում կյանք՝ առանց կոնֆլիկտի.«Ու դա ամբողջությամբ ՀՅԴ-ի մասին է, որովհետև հիմնադրվել է մի ժամանակ, երբ մենք չենք ունեցել պետություն, գործել է, որպես ազատագրական պայքարի կուսակցություն, նպատակը ինքնանպատակ է: Ուզում եմ անվերջանալիորեն պայքարի ազատագրության համար, բայց երբեք չհասնի այդ երանելի պահին, որովհետև երբ այն լինի, կորչում է ՀՅԴ գոյության իմաստը»,- ասաց նա:
Ըստ Կոնջորյանի ընդդիմությունը չի ուզում առերեսվել սեփական սխալներին.«Չեն սխալվում միայն մեռածները, ու դրա համար է, որ մենք ասում ենք՝ ընդդիմությունը քաղաքականապես վախճանվել է, որովհետև ասելիք չունի: Դուք դժբախության վաճառականներ ենք, թաղումների ժամանակ փողով լացողներ կային, ոնց որ դրանցից լինեք»:
Նկատեց ընդդիմադիր պատգամավորներն իրենց ելույթներում հղումներ են անում ադրբեջանական նարատիվների վրա.«Ձեր շեֆը՝ Ռոբերտ Քոչարյանը ՀՀ-ի դեմ ցուցմունք է տվել և ասել է, որ ՀՀ-ն է սկսել ագրեսիան ու պատերազմը , դրանից ավելի մեծ դավաճանություն, այդ նույնն արել է Սերժ Սարգսյանը, երբ ասել է, որ մենք են Գյանջայում բնակչության վրա հարձակում արել, ավելի այլանդակ ցուցմունք կարո՞ղ եք փաստել»:
Ասաց՝ ընդդիմությունը հետ է մնացել աշխարհից.«Հենց դա է քաղաքական հայդուկությունը, որ դու չես տեսնում աշխարհի զարգացման նոր տեմպը, աշխարհը զարգանում է, գնացել հասել է եսիմ ուր, բայց դու դինոզավր ես, որը ոչնչացման եզրին է, ուզում ես ժողովրդին էլ դինոզավրացնես, դրա համար դուք այսօր պատերազմ եք հայտարարել խաղաղությանը և այդ պայքարի մեջ ի սկզբանե պարտված եք»:
