Բաժանորդագրվեք Zarkerak.am-ի տելեգրամ ալիքին։
«Ինչու է այդ դեպքը տեղի ունեցել, պետք է առերեսվել, տեղի է ունեցել այդ թվում այն պատճառով, որ այդ թվում ձեր գողական համայնքի ղեկավարներց մեկը կառավարության ծրագրով Գյումրիում շատրվանով միացնում էր «Դոլյա վառավսկայա» երգը»,- ԱԺ-կառավարություն հարցուպատասխանի ժամանակ այս մասին ասաց վարչապետ Նիկոլ Փաշինյանը՝ անդրադառնալով Զորական գյուղում մի խումբ դեռահասների կողմից մեկին ծեծելու և նվաստացնելու տարածված տեսանյութին՝ արձագանքելով «Հայաստան» խմբակցությունից Լիլիթ Գալստյանի հարցին:
«Հիշում եմ, երբ պատգամավոր էի, ձեր խմբակցության մի պատգամավոր ազդարարման համակարգը, որ քննարկվում էր, ասում էր գործ տալու մասին օրենքի նախագիծ եք ընդունում: Այն պատճառով է, որ ՀՀ-ում քրեական ենթամշակույթը շարունակում է գոյություն ունենալ, կոշտ, կոպիտ, ուժային դաժան միջոցներ պետք է ձեռնարկել քրեական ենթամշակույթն արմատախիլ անելու համար: Դա գալիս է նրանից, որ տղա երեխաների լեզուները բացվում է, դեռ ցավոք, ՀՀ-ում առաջին բառը, նույնիսկ մամա-պապայից առաջ հայհոյանք ենք սովորեցնում, հետո էլ ազգուտակով հավաքվում ծափ տալիս, բա ինչ է լինելու դրա վերջը, էդ է լինելու»,- ասաց վարչապետն ու հավելեց, որ սոցիալական ցանցերի ազդեցությունն էլ կա ու պետք են հատվածական լուծումներ.«Քրեական ենթամշակույթը պետք է դառնա մեր ամենօրյա պայքարի թիրախ»:
