Բաժանորդագրվեք Zarkerak.am-ի տելեգրամ ալիքին։
ԱԳ նախարար Արարատ Միրզոյանը հայտնել է, որ հունիսի 2-ին Կարսում տեղի է ունեցել լուրջ հանդիպում Հայաստանի և Թուրքիայի գործարարների միջև։
«Այն կազմակերպված էր երկու կողմերի ԱԳ նախարարությունների և առևտրապալատների մասնակցությամբ։ Այս հանդիպումը տարբերվում էր նախորդ հանդիպումներից, քանի որ օրակարգը հագեցած էր, և Թուրքիայի երեք նահանգների գործարար շրջանակների կողմից մեծ հետաքրքրություն կար», - ասել է նա։
Նրա խոսքով՝ դա շատ լավ սկիզբ է. «Առաջիկայում մենք կունենանք երկրորդ հանդիպումը Հայաստանի տարածքում։ Տեղյակ եմ, որ գործարար շրջանակների առանձին ընկերություններ կոնկրետ խոսակցություններ են սկսել, և վստահ եմ, որ կտեսնենք այդ խոսակցության շարունակությունը», - շեշտել է ԱԳ նախարարը։
