Բաժանորդագրվեք Zarkerak.am-ի տելեգրամ ալիքին։
Աթենքի կենտրոնում՝ տուրիստական հատվածում, պայթյուն է որոտացել. բնակելի շենք է փլուզվել, երեք մարդ վիրավորվել է, վնասվել են հարևանությամբ գտնվող շենքեր, խանութներ և ավտոմեքենաներ: Այս մասին տեղեկացնում է Reuters-ը:
Ակրոպոլիսին, Զևսի տաճարին մերձակա Պլակա շրջանում փրկարարները դեռ որոնում են հինգ մարդու, այդ թվում՝ տվյալ շենքում բնակվող տարեց ամուսինների, Reuters-ին փոխանցել է մի պաշտոնյա: Շենքի մի մասը վարձակալությամբ զբոսաշրջիկներ էին զբաղեցնում:
Նշվում է, որ երկհարկանի շենքում պայթյունի պատճառ դեռ չի պարզվել, տեղում աշխատում են հրշեջները և շտապ բուժօգնության բրիգադները:
