Բաժանորդագրվեք Zarkerak.am-ի տելեգրամ ալիքին։
«Մի քանի օր է արդեն այստեղ եմ, կարելի է ասել 2-3 օր ավելի շատ, քան Թևանյան Անդրանիկենց Ռուսաստանի դումայից բերված պատգամավորը կամ չգիտեմ որտեղից բերված սառեցված սրբազանը»,- Գյումրիում լրագրողների հետ ճեպազրույցում այս մասին ասաց ՔՊ պատգամավոր Վահագն Ալեքսանյանը:
Նա չհամաձայնեց, պնդման հետ թե քարոզարշավի մեկնարկից սկսած պայքարող ուժերից հնչել են փոխադարձ մեղադրանքներ. «Ի սկզբանե փոխադարձաբար չի եղել, եղել է եվլախական ուժերի կողմից, Եվլախում կապիտույլացիա ստորագած ուժերի, Սերժ Սարգսյանի ու Ռոբերտ Քոչարյանի ուժերի կողմից: Փորձել են այս ընտրությունները կապել Ղարաբաղի հետ, այդ թեմայով վիրավորանքներ հնչեցնել՝ մոռանալով որ իրենց ճակատին դաջված է եվլախական եզրույթը: ԼՂ կապտուլյացիան ստորագրվեց այն ժամանակ, երբ ԱԺ սերժական ու քոչարյանական խմբայկցությունների ցնծությամբ ԼՂ-ում տեղի ունեցավ իշխանազավթում»,- նշեց նա:
«2016-ից հետո հանրապետականների օրոք Գյումրիում նորոգվել է մեկ փողոց, բացելու տոնախմբությունն այսօրվա պես հիշում եմ՝ ֆայտոն էին բերեմ, թատերական ներկայացում էին տալիս: Հանրապետական երիտթևը, երբ Ռուբեն Մխիթարյանի համար հանդիպումներ էր կազմակերպում, ու Ռուբեն Մխիթարյանն էլ ասում էր՝ ովքեր ինձ կապում են նախկինների հետ ինչ-որ վատ բան են ուտում, հետաքրքիր է՝ գնացեք Ռուբեն Մխիթարյանից հարցրեք, թե ի՞նչ դիետայի վրա է ինքը հիմա»,- նշեց Ալեքսանյանը:
Հարցին, թե որքան է գնահատում ՔՊ-ի շանսերը Գյումրիում, պատասխանեց՝ ինքը Սերժ Սարգսյանը չէ, որ գա Շիրակում կանգնի ասի 100-ից 80 կխփեմ, նաև պարզաբանեց ինչու է անդրադառնում ՀՀ երկրորդ նախագահին. «Եթե Սերժը երկու թեկնածու է առաջադրել՝ Մարտուն Գրիգորյան, Ռուբեն Մխիթարյան, Քոչարյանը երկու թեկնածու է առաջադրել՝ Կարեն Սիմոնյան ու Վարդանիկ Ղուկասյան, պիտի հիշատակել»:
«Մարդիկ պետք է զգուշացված լինեն, որ ընտրելով Մխիթարյան Ռուբեն, Կարեն Սիմոնյան, Մարտուն Գրիգորյան, ընտրում են Վարդանիկին»,- ընդգծեց նա:
