Բաժանորդագրվեք Zarkerak.am-ի տելեգրամ ալիքին։
«Խաղաղությունը փաստ է նրա բերումով, որ երկու երկրները համաձայնել են, որ հաստատում են խաղաղություն և նախաստորագրել են խաղաղության պայմանագիրը: Խաղաղությունը պրոցես է, այն մի իրադարձությամբ չի ամփոփվում, կան գործողություններ, որոնք պետք է արվեն՝ այդ թվում խաղաղության պայմանագրի վերջնական ստորագրումն ու վավերացումը»,- այս մասին խորհրդարանական ճեպազրույցների ժամանակ ասաց ՔՊ խմբակցության պատգամավոր Սարգիս Խանդանյանը:
Անդրադառնալով ԱԳ նախարար Արարատ Միրզոյանի Ադրբեջանի կողմից առաջ քաշվող նախապայմանների վերաբերյալ հայտարարությանը՝ Խանդանյանը նշեց. «Միրզոյանը նկատի է ունեցել Ադրբեջանի կողմից անդադար Սահմանադրության փոփոխման հարցի բարձրացումը: Մեր դիրքորոշումները հայտնի են այս հարցի կապակցությամբ: Այս պահին ինձ հայտնի հարցը, որն Ադրբեջանը բարձրացնում է խաղաղության պայմանագրի ստորագրման ճանապարհին՝ Սահմանադրության հարցն է»:
