Բաժանորդագրվեք Zarkerak.am-ի տելեգրամ ալիքին։
97 տարեկանում մահացել է ամերիկացի գիտնական Ջեյմս Ուոթսոնը, ով Նոբելյան մրցանակի է արժանացել ԴՆԹ-ի կառուցվածքի վերաբերյալ իր աշխատանքի համար։
Ամերիկացի գիտնականը հայտնի էր նաև ռասայական տարբերությունների վերաբերյալ իր վիճահարույց հայտարարություններով, որոնք հանգեցրել էին նրա աշխատանքից ազատմանը և ակադեմիական կոչումներից զրկվելուն։
Ուոթսոնի հայտնագործությունը համարվում է 20-րդ դարի ամենակարևոր գիտական նվաճումներից մեկը։
Գիտությունը ԴՆԹ-ի գոյության մասին գիտեր 1869 թվականից, սակայն մինչև Ուոթսոնի, Քրիքի և Ուիլկինսի աշխատանքը՝ մոլեկուլի կառուցվածքը մնում էր անհայտ։ Միայն 1943 թվականին գիտնականները հասկացան, որ ԴՆԹ-ն բջիջների գենետիկական նյութն է։
