Բաժանորդագրվեք Zarkerak.am-ի տելեգրամ ալիքին։
«Ռեալը» մտադիր է ամառային տրանսֆերային պատուհանի ընթացքում վեց նոր ֆուտբոլիստի հետ պայմանագիր կնքել։
Թիմի տրանսֆերային ծրագրերում արդեն մի քանի անուն է շրջանառվում։ Գլխավոր թիրախը կիսապաշտպանությունն է. «Ռեալը» փնտրում է այնպիսի ֆուտբոլիստի, որը կկարողանա ստանձնել Թոնի Կրոսի և Լուկա Մոդրիչի դերը։ Այս դիրքում առաջնահերթությունը տրվում է ՊՍԺ-ի ֆուտբոլիստ Վիտինյային։
Բացի նոր ձեռքբերումներից, մադրիդցիների ծրագրերում են նաև երկու վերադարձներ։ «Լիոնում» վարձավճարով հանդես գալուց հետո թիմի հարձակման գիծը կուժեղացնի Էնդրիկը, իսկ Նիկո Պասը կվերադառնա իտալական «Կոմոյից»։
Մադրիդյան ակումբը հույս ունի նաև իրականացնել «Մանչեսթեր Սիթիի» ռմբարկու Էրլինգ Հալանդի տրանսֆերը։ Նշվում է, որ նորվեգացու տեղափոխության շանսերը կմեծանան, եթե Գվարդիոլան լքի անգլիական թիմի գլխավոր մարզչի պաշտոնը։
