Բաժանորդագրվեք Zarkerak.am-ի տելեգրամ ալիքին։
ԱՄՆ նախագահ Դոնալդ Թրամփը NBC News-ին տված հարցազրույցում հայտարարել է, որ այս փուլում չի ցանկանում Իրանի հետ պատերազմը դադարեցնելու գործարք կնքել:
«Իրանը ցանկանում է գործարք կնքել, իսկ ես չեմ ցանկանում, քանի որ պայմանները դեռևս բավարար չեն»,- ասել է նա՝ հավելելով, որ ցանկացած պայման պետք է լինի «շատ ամուր»:
Երբ նրան հարցրել են, թե որոնք կլինեն պատերազմը դադարեցնելու հնարավոր գործարքի պայմանները, ԱՄՆ նախագահը պատասխանել է. «Չեմ ցանկանում ձեզ ասել»։
Միևնույն ժամանակ նա համաձայնել է, որ դրա մաս պետք է դառնա ցանկացած միջուկային հավակնությունից լիովին հրաժարվելու Իրանի պարտավորությունը:
ԱՄՆ նախագահը հայտարարել է, որ «միակ ուժը, որ նրանք ունեն, և դա այն ուժն է, որը կարելի է համեմատաբար արագ չեզոքացնել, ական նետելու կամ համեմատաբար փոքր հեռահարության հրթիռ արձակելու հնարավորությունն է: Բայց երբ մենք ավարտենք ափամերձ գոտու հետ, նրանք այլևս նման հզորություն չեն ունենա»:
«Ոչնչացրել ենք նրանց հրթիռների մեծ մասը: Ոչնչացրել ենք նրանց անօդաչուների մեծ մասը: Զգալիորեն կանգնեցրել ենք հրթիռների և անօդաչու թռչող սարքերի նրանց արտադրությունը: Երկու օրից այն ամբողջությամբ կոչնչացվի»,- ասել է Թրամփը:
