Բաժանորդագրվեք Zarkerak.am-ի տելեգրամ ալիքին։
Ինչպես ավելի վաղ հայտնել էինք, այսօր տեղի է ունենալու «Քաղաքացիական պայմանագիր» կուսակցության 8-րդ արտահերթ համաժողովը:
ՀՀ վարչապետ Նիկոլ Փաշինյանն այդ առնչությամբ գրառում է արել Ֆեյսբուքի իր էջում.
««Քաղաքացիական պայմանագիր» կուսակցության 8-րդ արտահերթ Համաժողովի հարգելի պատվիրակներ, այսօրվա մեր լիագումար նիստում բաց քվեարկության են դրվելու հետևյալ հարցերը․
1. Հաստատել և ՀՀ Ազգային ժողովի 2026 թվականի հունիսի 7-ի ընտրություններին առաջադրել Կուսակցության ընտրական ցուցակը՝ համաձայն Հավելված N 1-ի (ցուցակում թեկնածուների դասավորությունը որոշվել է փակ, գաղտնի քվեարկության արդյունքներով։ Քվեարկության արդյունքները հրապարակված են, իսկ Հավելված 1–ի, այսինքն՝ ընտրական ցուցակի նախագիծը, տեղադրված է Կուսակցության պաշտոնական կայքում, «Նորություններ» բաժնում)։
2. Որպես Կուսակցության ՀՀ Վարչապետի թեկնածու հաստատել Վարչության նախագահ Նիկոլ Փաշինյանին (թեկնածունն ընտրվել է փակ, գաղտնի քվեարկության արդյունքներով․ քվեարկության արդյունքները հրապարակված են)։
3. Հաստատել ՀՀ Ազգային ժողովի 2026թ․ ընտրություններում Կուսակցության Նախընտրական ծրագիրը՝ համաձայն Հավելված N 2-ի (նախագիծն ընդունվել է Վարչության որոշմամբ և տեղադրված է Կուսակցության պաշտոնական կայքում, «Նորություններ» բաժնում)։
Լիագումար նիստի սկզբում բաց քվեարկությամբ կընտրվեն Համաժողովի նախագահող և քարտուղարներ։
Վարչությունը առաջարկել է համապատասխանաբար Վարչության նախագահի և տեղակալների թեկնածություննները։
Մինչ հանդիպում։ Սիրում եմ բոլորիդ»,- գրել է Նիկոլ Փաշինյանը:
