Բաժանորդագրվեք Zarkerak.am-ի տելեգրամ ալիքին։
«Ռոսատոմի» 108 աշխատակից լքել է ատոմակայանը՝ ուղևորվելով Սպահան։ Տեղում մնում է քսան ռուս մասնագետ, որոնք պատասխանատու են սարքավորումների անվտանգության համար։
Այս մասին հայտնել է Ռուսաստանի պետական կորպորացիայի ղեկավար Ալեքսեյ Լիխաչովը՝ տեղեկացնելով, որ Իրանի դեմ ԱՄՆ-Իսրայելական շարունակվող պատերազմի ֆոնին, «Ռոսատոմը» Ռուսաստանի պաշտպանության նախարարության հետ համատեղ անցկացնում է Իրանի Բուշերի ատոմակայանի աշխատակիցների վերջնական ռոտացիա։
Ավելի վաղ՝ ապրիլի 4-ին, Իրանի իշխանությունները և պետական լրատվամիջոցները հայտնել էին, որ արկը հարվածել է Բուշերի ատոմակայանի հարակից տարածքին, հարվածի հետևանքով զոհվել է անվտանգության աշխատակից Իրանի քաղաքացի։ Բացի դրանից՝ բեկորները և պայթյունի ալիքը վնասել են ատոմակայանի տարածքում գտնվող շենքերից մեկը։
Կասկածելի հարձակումից հետո ճառագայթման մակարդակի աճ չի գրանցվել։
