Բաժանորդագրվեք Zarkerak.am-ի տելեգրամ ալիքին։
Հումորի մեծ չափաբաժին, անսպառ ծիծաղ. մեծ էկրաններ բարձրացավ «Մեկ in Մեկ» նոր կատակերգությունը: Սեպտեմբերի 24-ին «Մոսկվա» կինոթատրոնում կայացավ ֆիլմի պրեմիերան:
Ֆիլմի գործողությունները ծավալվում են երգիչ Արկադի Դումիկյանի շուրջ, ում փառքն օգտագործելով՝ ֆիլմի հերոսներից մեկը փորձում է լուծել իր ֆինանսական խնդիրները, իսկ մանկության ընկերներն օգնում են նրան այդ ճանապարհին: Ֆիլմի հերոսը Արամը, ով երգում է, Դումիկյանին մեկին մեկ նմանակելու բացառիկ տաղանդ ունի։ Արամի ընկերը՝ Լևոնը, ով ներկայանում է Դումիկյանի պրոդյուսեր և make up արտիստ Գոհարը, ում սիրահարված է գլխավոր հերոսը, որոշում են Արամի տաղանդն օգտագործել, նրան կերպարանափոխել ու դարձնել Արկադի Դումիկյան։ Ֆիլմում կա նաև իրական Դումիկյանի կերպարը, ով անտեղյակ է իր շուրջ կատարվող իրադարձություններին: Թե ինչպես է զարգանում կատակերգության հետագա ընթացքը, կարող եք դիտել բոլոր կինոթատրոններում:
Ֆիլմի գլխավոր հերոսներն են Վահե Զիրոյանը, Գոհար Ավետիսյանը, Ռոբերտ Մարտիրոսյանը, կատակերգությունում հանդես են գալիս նաև Արկադի Դումիկյանը, Սոնա Շահգելդյանը, Թամարա Պետրոսյանը, Մկրտիչ Արզումանյանը և այլոք: Ֆիլմի բեմադրող ռեժիսորը Դավիթ Բաբախանյանն է, սցենարի հեղինակներն են Աշոտ Աբրահամյանը, Ռուբեն Ջաղինյանը, Դավիթ Բաբախանյանը, բեմադրող նկարիչը Հրաչ Քեշիշյանն է, պրոդյուսերն Արման Միտոյանն է, գլխավոր պրոդյուսերը՝ Ռուբեն Ջաղինյանը:
