Բաժանորդագրվեք Zarkerak.am-ի տելեգրամ ալիքին։
Հավաքական անվտանգության պայմանագրի կազմակերպության (ՀԱՊԿ) պետությունների ղեկավարներին կներկայացվի մի նախագիծ, որով Հայաստանը զրկվում է կազմակերպության մարմիններում քվեարկության իրավունքից՝ չվճարված վճարների պատճառով։
Այս մասին լրագրողների հետ զրույցում հայտարարել է Ռուսաստանի արտաքին գործերի նախարար Սերգեյ Լավրովը ՀԱՊԿ-ի արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստից հետո։
«Բացի կառուցողական քննարկումներից, մենք ստիպված էինք քննարկել նաև Հայաստանի կողմից ՀԱՊԿ կանոնադրությամբ ստանձնած պարտավորությունների չկատարման հարցը՝ մեր համատեղ կազմակերպության բյուջե տարեկան մուծումների վերաբերյալ»,- ասել է Լավրովը։
Նախարարը նշել է, որ այս հարցում երկիմաստության տեղ չի կարող լինել։
«2024 թվականից մինչ օրս Երևանը երկու տարուց ավել չի վճարել իր անդամավճարները։ Հետևաբար, բարձրացվել է ՀԱՊԿ կանոնադրության 25-րդ հոդվածի դրույթները Հայաստանի Հանրապետության նկատմամբ կիրառելու հարցը։
Որոշման նախագիծը նախատեսում է կազմակերպության մարմիններում քվոտային պաշտոններ առաջադրելու Հայաստանի քաղաքացիների իրավունքի կասեցում և քվեարկության իրավունքից զրկում մինչև պարտքերի լրիվ մարումը։ Այս որոշման նախագիծը կքննարկվի նաև վաղը Հավաքական անվտանգության խորհրդի նիստում», - եզրափակել է Ռուսաստանի արտաքին գործերի նախարարը։
